ابن شہاب سے روایت ہے کہ سعید بن مسیّب اور ابوبکر بن عبدالرحمٰن کہتے تھے: جو شخص ایلاء کرے اپنی عورت سے، تو جب چار مہینے گزر جائیں ایک طلاق پڑ جائے گی، مگر خاوند کو اختیار ہے کہ جب تک عورت عدت میں ہے رجعت کر لے۔

امام مالک رحمہ اللہ کو پہنچا کہ مروان بن حکم، حکم کرتے تھے: جب کوئی شخص اپنی عورت سے ایلاء کرے اور چار مہینے گزر جائیں تو ایک طلاق پڑ جائے گی، مگر خاوند کو اختیار رہے گا کہ جب تک عورت عدت میں ہے رجعت کر لے۔